Гуканне вясны
28.03.2023Гуканне вясны — гэта свята развітання з зімой і сустрэчы вясны. У пятніцу 24 сакавіка святкаванне гэтага старажытнага свята адбылося ў дзіцячым садку № 2, з якім у нашай гімназіі даўна наладжана супрацоўніцтва ў плане пераемнасці навучання. У час свята гучалі абрадавыя вясновыя песні, дзеці вадзілі карагоды. Вучні і выхаванцы садка заклікалі вясну хутчэй прыйсці, парадаваць усіх вясновым сонцам і прагнаць зіму.
Адным з першых кожную вясну прылятае жаўрук. У нашых продкаў ён лічыўся «вястуном» вясны. Вучні першых класаў зрабілі да свята цацкі-самаробкі ў выглядзе птушак.
У час свята дзеці і дарослыя сустрэліся з казачнымі героямі, танцавалі, гулялі ў гульні, адгадвалі загадкі Вясны.