РЭПАРТАЖ З ФІЛАЛАГІЧНАГА ТЫДНЯ
28.02.2021Спачатку я распавяду вам пра мерапрыемствы 6 дня, праведзеныя 27 лютага 2021 года на Філалагічным тыдні.
Раніцай 27 лютага шасцікласнікі пісалі алімпіяду па беларускай мове і літаратуры. На першы погляд заданні падаліся лёгкімі, але, калі пазнаёміліся з імі бліжэй, зразумелі, што алімпіяда патрабуе глыбокіх ведаў.
Крыху пазней сямікласнікі ўдзельнічалі ў інтэлектуальнай гульні “Павуціна”. Мэта гульні ў тым, каб праверыць веды, навучыць дзяцей працаваць ў камандзе і сябраваць з паралельнымі класамі.
Наступнае мерапрыемства было арганізаванае для 5 класаў. Праводзіў яго Кажура Віктар Віктаравіч – настаўнік беларускай мовы і літаратуры нашай гімназіі і паэт. Дзеці з задавальненнем разгадвалі загадкі, слухалі вершы і самі складалі іх. Віктар Віктаравіч чытаў вершы, якія напісаў разам з унучкай Прохаравай Ангелінай. Напрыканцы сустрэчы пяцікласнікам прапанавалі самім сачыніць вершы – і прапанова іх зацікавіла. Як гаварылі самі дзеці, мерапрыемства ім спадабалася.
Таксама на працягу Філалагічнага тыдня праходзілі іншыя мерапрыемствы. Напрыклад, 23 лютага адбылася пазнавальная сустрэча адзінаццацікласнікаў з паэтам Кажурам Віктарам Віктаравічам.
На наступны дзень адбылося мерапрыемства для 8 “А” класа, прысвечанае тэме любові да роднай мовы, пад назвай “Як ты дорага мне, мая родная мова”. Такое ж мерапрыемства прайшло і ў 8 “Б” класе, толькі на два дні пазней.
Нашы настаўнікі таксама не засталіся без увагі: спецыяльна для іх прайшла інтэлектуальная гульня “Перакладчыкі”. Настаўнікі з радасцю і гонарам бойка перакладалі з рускай мовы на беларускую словы, словазлучэнні і сказы.
У час класных і інфармацыйных гадзін праводзіліся пяціхвілінкі “21 лютага – Дзень роднай мовы”. У фае гімназіі была арганізавана выстава з ілюстрацыямі вучняў да твораў рускай і беларускай класікі. Праводзіліся філалагічныя перапынкі, на якіх трансліраваліся мультфільмы на беларускай мове.
На Філалагічным тыдні для вучняў гімназіі быў прапанаваны і шэраг мерапрыемстваў, прысвечаных рускай мове і літаратуры.
Літвіновіч Насця, 9 клас;
пераклад Матусевіч Т.П.