І РЭСПУБЛІКАНСКІ КРАЯЗНАЎЧЫ ФОРУМ
16.03.2020Арганізатарамі форуму з’яўляліся Нацыянальны гістарычны музей Рэспублікі Беларусь і Беларускі фонд культуры. Падтрымалі пачын Міністэрства культуры Рэспублікі Беларусь, Міністэрства інфармацыі Рэспублікі Беларусь, Міністэрства адукацыі Рэспублікі Беларусь. Адным з партнёраў форуму стала Нацыянальная бібліятэка Беларусі, дзе шмат увагі надаецца краязнаўчай рабоце.
Былі вызначаны асноўныя задачы форуму:
- вывучэнне стану краязнаўчай дзейнасці ў Рэспубліцы Беларусь;
- папулярызацыя гісторыка-культурнай і прыроднай спадчыны беларускіх гарадоў і вёсак;
- пашырэнне ведаў пра найбольш знакавыя краязнаўчыя праекты
ў Рэспубліцы Беларусь;
- дыялог паміж краязнаўцамі з розных населеных пунктаў Беларусі;
- садзейнічанне ў выхаванні юных грамадзян Рэспублікі Беларусь патрыётамі сваёй краіны і малой радзімы.
Падзякамі арганізацыйнага камітэта форуму былі адзначаны работы вучняў Вілейскай гімназіі № 2:
Манчак Кацярыны (6 В), Шалкоўскай Бажэны (7 А) “Выкарыстанне вобраза ракі Віліі ў творчасці сучасных літаратараў Вілейшчыны”;
Хмарэнкі Уладзіслава (9Б) “Супрацоўніцтва карэспандэнтаў з Вілейскага павета з газетай “Наша Ніва” ў 1912 годзе”.
Падзяку арганізацыйнага камітэта форуму атрымаў і кіраўнік работ, настаўнік беларускай мовы і літаратуры Кажура Віктар Віктаравіч.