Встреча с детским писателем
03.10.2019Кніга пабудавана даволі цікава: на кожную літару падабрана адпаведнае слова, а да слова – чатырохрадкоўе.
Запамінаць алфавіт цяпер стала не толькі карысна, але і цікава. Дзеці даведаліся, што валошка – гэта кветка, якую мы сустракаем летам у залацістым жытнёвым “моры”. А таксама, што некаму дарога – гэта прастора для язды і хады, другому – шлях да роднай хаты, да сваіх продкаў, які ніколі не зарасце ў памяці і не згубіцца ў віры жыцця. Ніва – гэта апрацаванае і засеянае поле, якое з часам прарасце багатым ураджаем, а потым – вялікім духмяным караваем. Смачна есці! І дзякаваць працавітым, руплівым рукам за такое багацце! І такія вершаваныя гісторыі Віктар Віктаравіч напісаў на кожную літару!
Дзеці з задавальненнем паслухалі калыханкі Віктара Віктаравіча, які расказаў пра сваё дзяцінства. Будучы маленькім хлопчыкам, заўсёды засынаў пад пяшчотныя матуліны песні. І спалося тады вельмі салодка. А раніца напаўнялася шчасцем і радасцю.
Дзеці ніяк не хацелі развітвацца з Віктарам Віктаравічам. Але, нажаль, празвінеў званок… Дзеці выказвалі шчырыя словы падзякі за такі цудоўны ўрок дзяцінства. Наталля Ліпская, класны кіраўнік 2 “Б” класа